給我的老友我的知己

我在想 10年啦 我仲係咁鍾意你

同你一齊從來唔會悶 每個每個回憶都好色彩繽紛的啊

以前細個果陣 我唔多講野 唔多出街 真的唔多開心

小四五左右 係我第一次同朋友仔煲電話粥 同朋友仔去圖書館

我跟你出沒係油尖旺一帶 去你屋企啦 已經覺得好勁

仲好記得一齊去游水 我地係同埋屋企人一齊架

初中之後 識得去多左唔同地方 去邊都係跟你一齊

買咩都會想你幫手揀下 仲有呀 成日跟埋你媽咪去食野

學校D同學點丫 我哥點蝦我丫 都會同你講

到左高中呢 真心的更加珍惜你

好多地方第一次去都係跟你一齊

我地好多日放學之後都會約出黎一陣 甚至冇約都撞到

開心同唔開心時  真的會很想找你

咁多年黎 生日我地都會一齊過的

係呀 仲有一日 聽日係你生日啦

我相信我會令你快樂的

11月啦11月啦 =D 近年尾特別開心

雖然好忙 要做project present 要test同交reflective paper

不過我相信一定會做得好好睇睇既 ; )

我呢 接左3份補習丫 即係由星期一去到星期日都要返工啊

係就係有少少辛苦 日日都要趕頭趕尾

星期六連續講4,5個鐘頭野真係有點攰 不過教佢地我好開心 : )

我既生活 好充實

最近好空白,,我想推諉歸咎於太忙...

空白既感覺,,點形容呢,, 我唔知自己為咩而做咩,,甚至唔知自己幾時做過D咩,, 對啦,,係好麻木,,每晚諗返我冇任何喜怒哀樂既感覺...

我在想,,我既生活唔應該係咁架...

返學既時候,,同朋友同學一齊既時候,,我應該係開心架...係屋企既時候,,有呀媽呀哥既時候,,我應該係開心架...去玩既時候,,同老友老公一齊既時候,,我應該係開心架...

應該係開心,,而唔係我好開心...因為我太累??冇感情??唔投入??

原來我一直都只不過係得過且過,,安慰自己船到橋頭自然直,,我望唔到轉機,,感覺唔到將來...

我在想,,我其實過得好好...

有書讀好,,有補習接好,,唔係返學就返工,,唔係返工就返學,,日日都好充實啊...

因為我而家淨係諗到返學返工都係為左賺錢同將來賺到更多錢...

我在想,,返工環境,,接觸同事方面,,我算是幸運的啦...

岩岩聽完WINZTON講,,好悲嘛,,D員工作反,,個PUI同個KAREN又唔做野,,唔三唔四,,唔合作,,扮晒野咁...

之前RITA都好慘,,佢個同事勁RUDE,,返工勁唔開心...

所以,,我係917算幾好啊...班同事好好人,,可以跟住呀輝,,老老實實,,我好鍾意佢...

我在想,,快樂既時候為咩唔開心...

知道自己跌落深淵,,但係唔希望出返黎...

感覺到想墮落既自己,,已經泥足深陷...

我在想,,我憑咩要你愛我...

我驚我連少少開心既感覺都比唔到你...

可以話,,在冇錢既環境下,,壓力大到慾望都失去...

你們都說我錯了

話咁快黎到9 月中啦,,,開學兩個幾禮拜,,,係時候開始做project ,,,就快要present 啦...

哎,,, 讀LTM 會點呢,,,聽其他人講下講下,,,好似唔係幾好咁...

不過係我自己揀既,,,係自己貪玩,,, 咁揀左我都會讀好佢既...psycho又好,,, soci 又好,,,冇問題...

因為我窮困既關係,,,我依然有繼續返工,,,我諗我handle 到既...

雖然我忙,,,老老實實,,,真係幾忙,,,不過我一定會抽時候出黎陪下D朋友仔既... 真架,,,約我一定到...

好開心8年黎既 9月1號都keep 到同 Rita,,Carmen,,Tiffany一齊丫,,,諗起都開心... 4號果日我撞見楊 添丫...

哎,,,不過今個月黎,,,未見過小馮...好掛住佢丫... 仲有mandy,,sica,,victor都未見到,,,呀峰就係6號果日見過啦...

我都好掛住嚴嚴,,,簡簡,,,珍珍,,,AMY,,,馬仔丫... 咦,,,我記得 2號果日見過嚴嚴,,,佢靚左丫...

朋友仔,,,我有好多好多好多野想講丫...

開心野想同你地分享,,唔開心果陣更加想同你地傾下,,,成日鬱住鬱住咁,,,我就痴線架啦...

好想每次一有野想講就即刻講出黎,,,但係咁耐以黎,,,都係我自己啃晒...

好灰啊,,,好悲觀啊我,,,好唔開心啊...